ТРАНСФЕРИ: Атлетико сака да направи одличен напаѓачки тандем, Барса купува во Арсенал

ФУДБАЛ – Започна преодниот рок кој трае до 5 октомври, термин кога екипите треба да ги пријават своите играчи за европските натпреварувања.Ова се трансферите и гласините од денес, 11 септември:

Италијаните демантираат

Според италијанските медиуми утринава, не постои понуда од Јувентус за Оливие Жиру. Челзи сè уште не бил контактиран од страна на Јувентус.

Атлетико прави моќен напад?

Се чини дека Атлетико Мадрид е близу до доведување на Луис Суарез, така пишува Депортес Куатро. Наводно, Шпанците го победиле Јувентус во оваа трка, бидејќи Уругваецот сака да остане во Шпанија. Покрај Суарез, Атлетико го посакува и Единсон Кавани, кој во моментов нема клуб по заминувањето од ПСЖ.

Барса го враќа Белерин

Барселона сака да го продаде десниот бек Нелсон Семед. Според Марка, на негово  место треба да дојде Хектор Белерин од Арсенал.

Јаја Туре во Италија

IlSecoloXIX пишува дека Јаја Туре се враќа во европскиот фудбал. Спезиа, клубот кој влезе во Серија А оваа сезона, бесплатно ќе го донесе 37-годишниот играч за врска.

Годин во Каљари

Уругваецот Диего Годин е близу да премине за Каљари. Фудбалерот на Интер моментално вреди пет милиони евра, а Каљари би можел да го добие за помалку бидејќи на тренерот на Интер, Антонио Конте едноставно не му треба.