Само Јапонците можат да смислат вакво нешто: Поставени се проѕирни јавни тоалети за да може луѓето полесно да видат дали има некој внатре!

Дали би користеле проѕирен јавен тоалет?
Токму такви се поставени во два парка во деловниот дел на јапонската престолнина, а се дело на архитектот и дизајнер Шигеру Бан.
Тие се дизајнирани за да решат два проблеми при користењето јавни тоалети – луѓето да можат да проверат дали се чисти без да влезат и да знаат дали има некој внатре.

Сега жителите на Токио треба само да погледнат низ обоеното стакло.
Секако, не би било многу пријатно да одите во тоалет и да ве гледаат луѓето, па Јапонците не би биле Јапонци доколку не смислиле решение и за тоа.
Штом некој влезе во тоалетот и ја заклучи вратата, стаклото веднаш се замаглува и повеќе ништо не се гледа низ него.

Извор: sky news