Објавени детали од судењето на провалникот кој влезе во домот на Еминем

Еминем оваа година доживеа непријатно искуство, кога непознат маж влезе во
неговиот дом во Детроит.
Имено, провалникот успеал да ги избегне телохранителите, па со камен скршил прозор
и влегол во куќата. Еминем во прво време помислил дека тоа е неговиот внук, но кога
сфатил дека станува збор за странец, веднаш повикал полиција.
Во куќата влегол Метју Дејвид Хјуз, а Еминем сега откри што точно се случило. Кога
го прашал провалникот што прави во неговата куќа, тој одговорил дека дошол да го
убие.
На судењето, кое се одржа преку видео повик, присуствуваше само адвокатот на
Еминем. Адвокатот на провалникот, Ричард Гланда, негира дека неговиот клиент му се
заканувал со убиство на Еминем.
Метју Дејвид Хјуз во моментов е во притвор. Неговата кауција да се брани од слобода
изнесува 50.000 американски долари, а судијата го одби барањето за намалување на
износот. Судењето треба да продолжи на 28 септември, кога ќе го дознаеме
понатамошниот расплет на оваа ситуација.