Не легнувајте гладни: Нема да изгубите килограми, а ќе бидете нервозни

Прескокнувањето на вечерата ако сакате да изгубите килограми, или едноставно сте премногу уморни за да подготвите нешто за јадење, не е паметна одлука, велат експертите.

Ако ја прескокнете вечерата, чувството на глад може да ве држи будни подолго време или да ви го наруши сонот, па експертите предупредуваат дека сепак не треба да легнуваме гладни.

Еве ги причините:

Висок степен на стрес

Ако можете да се организирате и да имате 7 до 9 часа ноќен сон, тоа е одлична работа, особено ако сте презаситени со обврски и сте под стрес. Добриот сон е клучен за враќање на енергијата, што ќе му овозможи на телото да се справи со голема количина на стрес. Но, чувството на глад може да ни направи проблеми во спиењето, особено на  спиењето без будење, а недостатокот на сон или периодично слабиот квалитет на сонот само доведува до – уште поголем стрес.

Промени во расположението

Недостатокот на сон може да има негативно влијание врз вашето расположение или, најверојатно, ќе се чувствувате нервозни следниот ден. Но, може да влијае и на фактот дека на вашето тело му недостасуваат јаглехидрати, кои се многу важни во производството на хормонот на среќата – серотонин. Ова може да биде проблем особено ако страдате од анксиозно растројство или клиничка депресија, но одењето во кревет без вечерен оброк никогаш не е паметна одлука.

Недостаток на енергија

Без вечера, можеби ќе се разбудите истоштени следниот ден. Работата е во тоа што не сте обезбедиле доволно енергија за да можат сите системи на телото да функционираат дури и додека сме спиени. Понекогаш овој недостаток на енергија не може да се компензира дури и со квалитетен појадок.

Плус килограми

Ако мислите дека прескокнувањето на вечерата ќе доведе до губење на вишок килограми, размислете уште еднаш. Имено, експертите велат дека само така може да ставите килограм плус. Како прво, недостаток на енергија за телото да може да функционира ноќе може да доведе до забавување на метаболизмот, а забавениот метаболизам го забавува слабеењето. Повторно, недостатокот на сон не прави нервозни и незаситни, што доведува до прејадување и – зголемување на телесната тежина.

Што треба да правиме?

Имајте здрава вечера пред да одите во кревет. Но, треба да ја изедете најмалку два до три часа пред спиење, за да ги избегнете проблемите. Имено, доцната вечера може да ни направи проблеми со варењето на храната, пренесува Health Digest.