Дембеле повторно задоцни на тренинг: Причината е неверојатна

Фудбалерот на Барселона, Усман Дембеле, повторно ја наруши дисциплина во клубот, заедно со неговите соиграчи Артуро Видал и Нелсон Семедo.

Дембеле на вчерашниот тренинг задоцнил 11 минути, а причината е бизарна.
Шпанските медиуми откриваат дека тој не пристигнал на време затоа што се изгубил и отишол на паркингот на болницата која се наоѓа во близина.

Звучи навистина неверојатно дека 120 милиони евра платениот Дембеле не може да го погоди тренинг кампот на каталонскиот гигант, а во него е веќе три години.

Дека атмосферата во Барселона не е најдобра, покажува и фактот дека на вчерашниот тренинг доцнеле Видал и Семедо.

Видал задоцнил седум, а Семедо дури 19 минути, поради што тренерот Куман се налутил и е подготвен драстично да ги казни своите фудбалери.

За Дембеле, ова не е прв пат да задоцни на тренинг, откако претходно пропушти тренинзи поради дружење со пријателите до доцна во ноќта, играње видео игри…