Да беше жив, Пол Вокер денес ќе го прославеше својот 47-ми роденден

Пол Вокер почина во сообраќајна несреќа предизвикана од брзо возење. Иако Пол не беше зад воланот, туку неговиот пријател Роџер Родас, тие со Порше удрија во дрво, по што автомобилот се запали.

Семејството и пријателите на актерот, но и неговите многубројни обожаватели кои ги стекна откако се прослави во франшизата „Брзи и бесни“, не го заборавија Пол. Да не го загубеше животот во таа кобна 2013 година, Вокер денес ќе го прославеше својот 47-ми роденден.

– Тој не беше добро момче како мал. Сакаше да се тепа, само чекаше некој да го испровоцира или не дај Боже да го нападне неговото семејство. Многу од неговите врсници во тоа време се плашеа од него – изјави братот на Вокер, Кејлеб.

Сепак, по раѓањето на неговата ќерка Медоу, која ја доби со тогашната девојка Ребека Сотерос, Пол целосно се смени и стана многу подобра личност, заклучуваат сите што го познаваат.
– Кога дознавме дека Ребека е бремена, јас бев млад и исплашен, не бев подготвена за бебе. Не знаев ниту кој сум, не бев сигурен во себе, а камоли да бидам сигурен дека можам да воспитам една личност – објасни Пол во тоа време.

Кога почнуваше да се занимава со глума, секогаш играше „добро“, пристојно момче, дури глумеше и во еден љубовен филм со Рис Витерспун. Во меѓувреме, тоа се смени. Во филмовите како ‘Brick Mansions’ и ‘Hours’, тој имаше улоги во кои играше насилен и агресивен лик, а и режисерите сè повеќе го гледаа во такви улоги.

Пред да се заљуби во автомобилите и брзината, тој беше страствен сурфер. Морето беше неговата љубов. Тоа беше место каде што тој поминуваше времето за да може да си го одмори мозокот. Морето за него беше враќање во живот, кој за него заврши трагично.