Во недостаток на патници и работа поради корона вирусот, авиокомпаниите станаа многу креативни

Пандемијата на корона вирусот ги намали приходите на многу компании, вклучувајќи ги и авиокомпаниите. Во отсуство на патувања и патници и поголеми трошоци поради заштитните мерки, некои од нив најдоа решение како дополнително да заработат.

Некои се откажаа од таксата за замена на билетот и датумите на патување само за да им олеснат на луѓето да одлучат да летаат со нив. Други, во отсуство на патници, носат товар, пакети и други предмети. Авиокомпанијата Air Asia Group се фокусираше на испорака на овошје и зеленчук.

Има и такви кои воведоа специјална понуда која вклучува и слетување на местото од каде што ќе полетате. Австралиската авиокомпанија Qantas Airlines продава екскурзивни летови над Антарктикот.

Јапонската авиокомпанија понуди 90-минутен лет со тематика “Хаваи” – екипажот на авионот носи хавајски кошули и служи специјални пијалоци во согласност со темата.

Слични летови се забележани во Тајван и Кина. Патниците купуваат авионски билет и летаат околу својата земја неколку часа пред да се вратат на истиот аеродром од кој полетале.

Во јули, аеродромот во Тајван, Таипеи Сонгшан понуди лет кој никогаш не ни полета. Аплицирале над 7.000 луѓе, но биле избрани само 60 среќници. Секој од нив е чекирал, поминале дури и  пасошка контрола пред да се качат во авионот. Петнаесет минути подоцна, сите излегле од авионот и заминале на шопинг на самиот аеродром или пак ручале во некој од тамошните ресторани. Идејата била толку успешна што тие решиле да понудат повеќе вакви лажни летови.

Некои компании кои соработуваат со аеродромите исто така се прилагодија на ситуацијата. Неколку од оние кои обезбедуваат угостителски услуги на авиокомпаниите сега продаваат оброци директно на клиенти. Air Asia дури отвори ресторан што продава храна за авиони во трговски центар во Малезија, пренесува newsforkids.net.