Новак нема да се крие после УС Опен! Ќе настапи на турнирот во Рим

Новак Ѓоковиќ нема да паузира со цел психички и ментално да се опорави од инцидентот што се случи на УС Опен, кога беше дисквалификуван поради тоа што со топчето ја погоди линиската судијка. Иако некои можеби помислија дека Ѓоковиќ може да се откаже од турнирот во Рим за да ги собере своите мисли поради целата негативна кампања што сега се води против него, но тоа нема да се случи. Организаторите на Мастерс турнирот во Рим, потврдија дека Новак Ѓоковиќ ќе настапи на него.

Во соопштението издадено од организаторите се наведува дека 18 од 20-те најдобро рангирани тенисери на АТП-листите ќе настапат на „Foro Italico“ од 14 до 21 септември.

Што се однесува до тенисерите од врвот на АТП листата, на списокот на учесници не се наоѓа Роџер Федерер, кој сè уште се опоравува од повредата и Данило Медведев, а на негово место во главната ждрепка се најде Американецот Сем Квери.
Како што беше случај претходните години, првите осум носители ќе бидат слободни во првото коло, а покрај нив во оваа фаза нема да играат ниту полуфиналистите на УС Опен, доколку не се во таа група на играчи. Тоа значи дека во првото коло нема да го видиме и Шпанецот Пабло Карењо Буста, бидејќи Медведев нема да игра во Рим, а Доминик Тим и Александар Зверев ќе бидат меѓу првите осум носители на теренот.

Турнирот во Рим ќе се одржи без навивачи, а учесниците ќе бидат сместени во два хотели, едниот за тенисерките, а другиот за тенисерите. Исто така, специјални покани за овој турнир добија домашните играчи Лоренцо Сонего, Јаник Синер, Џанлука  Магер и Салваторе Карузо.

Извор: espresso.rs