Бил Гејтс ги решава проблемите поставувајќи 2 прашања

Кога се соочувате со проблем, првиот чекор не е изнаоѓање решение, туку учење од другите. Бил Гејтс на тој начин си олеснува себе си, бидејќи решенијата веќе постојат.

Бил може многу лесно да седи и да ужива во својот живот трошејќи ги своите пари, но тоа едноставно не е во неговата природа.

Во неодамнешната објава на својот блог, напиша:

“Уште како тинејџер, секој нов проблем го решавав на ист начин: поставувајќи си две прашања. Ја користев оваа техника во Мајкрософт, а ја користам и денес. Ги поставувам овие прашања буквално секоја недела во врска со КОВИД-19. А тие се: Кој добро го решил овој проблем? И што можеме да научиме од нив?”

Ова се всушност многу едноставни прашања, но се далеку од очигледни кога ќе размислите за тоа. Повеќето од нас, кога се соочуваат со проблем, веднаш почнуваат да бараат решение. Она што Бил го сугерира е сосема поинакво.

Кога се соочувате со проблем, првиот чекор не е наоѓање решение, туку учење на она што веќе другите го прават. Неговиот одговор е, бидете ученик и научете.

Ова е доста ретко. Бил советува прво да се утврди кој веќе се справува со проблемот, а после тоа и учење од неговата работа.

Токму поради тоа гледаме видеа на YouTube, за тоа како да поправиме правосмукалка или машина за миење садови. Некој друг го поминал ова и е подготвен да ги сподели тие информации со нас. Наша работа е да ја проголтаме својата гордост и најдоброто нешто што можеме да го направите за да го решиме проблемот е да бидеме подготвени да научиме од другите.

Во реалноста, ова е поделено на три важни карактеристики на лидерството: Прво, научете што не знаете. Потоа, знаете каде можете да ги најдете информациите и на крај, бидете подготвени да ги научите.

Следниот пат кога ќе се соочите со предизвик во вашата работа, запрашајте се кој веќе поминал низ тоа. Потоа погледнете што можете да научите од нивното искуство. На тој начин, наместо да започнувате од нула, ќе имате корист од она што некој веќе го поминал.

Извор: Inc

С.С.