Поднесена тужба против Кевин Спејси за сексуален напад

Актерот Ентони Рап и уште едно неименувано лице поднесоа тужба против актерот Кевин Спејси, за сексуален напад што се случил во 80-тите години на минатиот век, кога двајцата имале помалку од 18 години.

Tужбата е поднесена пред судот на државата Њујорк на Менхетен.

Рап уште во октомври 2017 година, во интервју за BazFid, го обвини Спејси за сексуално непристојно однесување во 1986 година, велејќи дека Спејси се обидел да го заведе, потсетува Ројтерс.

Не беше можно веднаш да се добие коментар од Спејси, кој главно се повлече од јавниот живот и е познат по филмовите како „American beauty“ и „The Usual suspects“.
Тој во 2017 година изјави дека не се сеќава на средбата што ја опиша Рап, но додаде: „Ако се однесував тогаш како што опишува, му должам најискрено извинување за моето непримерно пијано однесување“.

Извор: b92.net

С.С.