ОФИЦИЈАЛНА ПОТВРДА: Фетел од следната година ќе вози за Астон Мартин

Себастијан Фетел ќе го напушти Ферари и ќе мине во тимот кој оваа сезона настапува под името РејсингПоинт. Од Ферари си заминува, бидејќи италијанската екипа не му понуди нов договор.

„Ова е нова авантура за мене со легендарната автомобилска компанија“, изјави Фетел, кој не откри на колку години потпишал договор со Астон Мартин.

Во Ф1 е вообичаено договорите да се потпишуваат на три години.

“Многу сум горд што можам да кажам дека ќе бидам возач на AstonMartin во 2021 година. Бев импресиониран од резултатите што тимот ги постигнува оваа година и верувам дека иднината е уште посветла. Енергијата и посветеноста на сопственикот Лоренс Строл, се инспиративни и верувам дека ќе заедно да изградиме нешто посебно“, додаде Фетел.

Фетел беше шампион во Ф1 четири последователни години (2010, 2011, 2012, 2013) со Ред Бул, додека со Ферари не успеа да го загрози Мерцедес.

“Сè уште многу ja сакам Ф1 и мотивиран сум да се тркам во првите редови. Да се ​​направи тоа со Астон Мартин ќе биде привилегија”, заклучи Фетел.

Фетел е еден од најуспешните возачи во историјата на Ф1 со 53 победи, пред него се само Михаел Шумахер и Луис Хамилтон, кои заедно со Хуан Мануел Фанџо се единствените кои имаат повеќе титули од него.

С.С.