Прес конференција на Авалон Продукција по повод SKOPJE CALLING 2020, MACEDONIA’S FINEST EDITION

Утре, 10 септември, од 11 часот, на Стадионот на АРМ, Авалон Продукција ќе одржи
прес конференција по повод претстојното издание на фестивалот SKOPJE CALLING
Macedonia`s finest edition на кој ќе настапат Last Expedition, Фолтин, Funk Shui и Pluto`s
Doubts, а истиот ќе се одржи оваа сабота на стадионот на АРМ! На пресот ќе
присуствуваат претставници од бендовите и од Авалон Продукција.
За петтото јубилејно издание на SKOPJE CALLING Festival кое ќе се одржи на 12-ти
септември на стадионот на АРМ- open air, Авалон Продукција се реши вниманието да
го насочи кон пионерите и кон младите сили на домашната музичка сцена, па оваа
година ќе ги имаме Foltin, Last Expediton, Pluto’s Doubts…. Се надеваме дека утре ќе ја
дознеаме младата експлозивна, препознатлива фела која е истовремено и дефинитивен
домашен лидер на live сцената (така ја најавуваат од Авалон).
Pluto’s Doubts ќе ни ја пренесат новата шармантна скопска авангарда, Last Expedition
ќе ни покажат на што работеле за време на долгогодишната музичка пауза и да не’
потсетат што значи да се биде ,,добрата стара школа”, а FOLTIN, со Late Night Cabaret
Performance ќе ни покажат, барем на час и половина, како е да се живее младешки без
обѕир, раскошно, блудно и некомерцијално 🙂
Влезниците се веќе во продажба, по цена од 600 денари и истите можат да се набават
на avalon.mk, како и во Avalon Music & Ticket store во ГТЦ.
И овој настан, исто како и претходните, ќе биде реализиран според сите утврдени и
одобрени протоколи од Министерството за здравство и Комисијата за заразни болести.

С.С.