Оксфорд го запре испитувањето на вакцината против Ковид-19, луѓето кои ја примија вакцината имаат „необјаснета болест“

Фармацевтскиот гигант AstraZeneca го паузираше испитувањето на вакцината ковид-19
по „необјаснетата болест на еден од учесниците“, изјави портпаролот на компанијата.
Вакцината, која заеднички ја развиваат Универзитетот во Оксфорд и британско-
шведската фармацевтска компанија „ AstraZeneca “, е една од водечките кандидати за
вакцината против Ковид-19. Но, клиничкото испитување сега е суспендирано поради
случај на „необјаснета болест“, објави Би-Би-Си, повикувајќи се на извори од
AstraZeneca. Во компанијата, привременото прекинување го опишуваат како рутина.
Вакцината се чека со нетрпение
Резултатот од клиничкото испитување на оваа и на другите вакцини со нетрпение се
очекува низ целиот свет.
Би-Би-Си наведува дека вакцината успешно ги поминала првата и втората фаза од
клиничкото испитување и се очекувало да биде меѓу првите вакцини што ќе се најдат
на пазарот, а притоа да ги помине сите потребни фази од клиничките испитувања.
Претходните истражувања, во кои беа вклучени во повеќе од 1.000 луѓе, покажа дека
вакцината е безбедна и произведува имунитет.
Третата фаза од истражувањето се спроведува на околу 30.000 луѓе во САД, Бразил,
Велика Британија и Јужна Африка. Станува збор за фаза од клиничко испитување на
вакцината, која обично се спроведува на илјадници испитаници и трае неколку години.
Што велат во Оксфорд за паузирањето на испитувањето?
Според Би-Би-Си, третата фаза на клиничките испитувања на сите локации сега е
паузирана. Независни истражители најпрво ќе ги разгледаат сите податоци за
безбедноста, а потоа регулаторите ќе одлучат дали истражувањето може да се
продолжи.

Ова е втор пат да се направи пауза во Оксфордското испитување на вакцината за
коронавирус. Ваквите работи рутински се случуваат во големите клинички испитувања
кога волонтер завршува во болница, а причината за заболувањето веднаш да не биде
јасно.
Се очекува волонтерот брзо да опорави.
Извор: bbc.com 

С.С.