На 5 годишно девојче и ги украле парите кои ги штедело за автомобил, а потоа и се јавиле од Ферари

Малата Медисон Хјустон останала без своите 600 американски долари кои ги штедела со месеци работејќи домашни работи и продавајќи јагоди кога крадец провалил во кафулето на нејзината мајка во Пимпама, Австралија.

Крадецот ја украл заработката на нејзината мајка од целата недела и парите на Медисон, кои таа ги штедела сакајќи да си купи Ферари.

„Ќе те повозев во моето Ферари, но ми ги украде парите”, му порача Медисон на крадецот, пред камерата на 7News.

Нејзината мајка Сара Деген се пожалила дека ова е веќе шеста кражба во нејзиното кафуле.„Најлошото е што вложив многу во бизнисот и го жртвував времето што можев да го поминам со моите деца“, изјави Сара.

Приказната, сепак, доби среќен крај за малата Медисон. Нејзината симпатична порака кон крадецот била видена од Ферари и тие решиле да и дадат 600 долари, а имала и  можност да се повози во еден од нивните автомобили.

Извор: index.hr

С.С.