(КОВИД-19) АНГЛИЈА ВОВЕДУВА ПОСТРОГИ МЕКРКИ: Забранува и казнува собирање на повеќе од 6 лица

Собирање на повеќе од шест лица ќе бидат забранети во Англија од понеделник, 14
септември.
Одлуката ќе се однесува за собири и на отворено и на затворено, а ќе има и некои
исклучоци, така што нема да се применува во училиштата, на работните места и
свадбите што ќе се организираат според сите правила, на погреби и организирани
обуки.
За непочитување на одлуката, воведени се казни, кои се движат од 100 фунти до 3.200
фунти.

Повеќе информации за новото правило, се очекуваат во текот на денот.
– Мора да реагираме сега и да го запреме ширењето на вирусот. Ги зајакнуваме и
поедноставуваме правилата за социјален контакт, за да можат сите да ги разбираат и на
тој начин полицијата ќе може полесно да ги контролира луѓето – изјави неодамна
премиерот Борис Џонсон.
Велика Британија забележа 2.948 нови случаи во еден ден, што е рекорден дневен
пораст и втор најголем дневен пораст до сега.
Во август бројот на дневните случаи растеше за околу 1.000, но последните денови
уште повеќе. Британските капацитети за тестирање исто така се зголемени по врвот на
првиот бран на епидемијата.
Велика Британија бележи повеќе од 65.000 смртни случаи поврзани со коронавирусот,
а епидемијата во оваа земја трае подолго и е пораспространета на повеќе места отколку
што тоа беше забележано во други сериозно погодени европски земји, како Италија и
Шпанија.

С.С.