Првиот смартфон HUAWEI без Андроид може да се појави до крајот на годинава

Првиот паметен телефон Huawei без оперативен систем на Google ќе биде објавен пред крајот на годината. Ова го изјави за Global Times аналитичарот Ma Jihua, близок до управата на компанијата. Според него, наместо Андроид, уредот ќе добие HarmonyOS – сопствен оперативен систем на Huawei.

Детали за првиот паметен телефон со HarmonyOS, експертите очекуваат компанијата да ги сподели на конференцијата за девелопери на HDC 2020, што ќе се одржи од 10 до 12 септември. Тие исто така целосно ќе го претстават новиот EMUI 11 заснован на Android 11 и ќе разговараат за можностите на HongmengOS 2.0. Покрај паметните телефони, новата верзија на оперативниот систем ќе биде компатибилна со смарт часовници и нараквици, како и со системи за автомобили, па дури и со компјутери.

Извршениот директор, за потрошувачи Г-дин Yu Chengdong (Richard Yu), изјави дека HarmonyOS е посигурен од другите оператини системи, бидејќи неговата основа е заштитена од надворешни влијанија, ги распределува ресурсите поефикасно, и генерално работи побрзо – за разлика од Android.

Huawei го засили развојот на HarmonyOS минатата година, откако ја изгуби можноста за партнерство со Американските компании, како резултат на санкциите на САД. Привремената лиценца која ја даде на кинеска фирма право да прима ажурирања со Android од Google истече минатата недела. И покрај тоа, Huawei вети дека ќе продолжи да ги поддржува веќе активните и идните уреди.