Германија забележа рекорден број на нови заразени од КОВИД-19. Познати причините
Во Германија, во последните 24 часа, од почетокот на мај се регистрирани рекорден број на нови заразени со коронавирус: 1226 лица. Заразени со COVID-19 се забележани во скоро сите региони во земјата.
Германските власти стравуваат од продолжување на пандемијата. Рекордниот број на заразени во последните месеци е регистриран од Федералниот институт Роберт Кох. Министерот за здравство Јенс Спан ги повика граѓаните да се придржуваат кон правилата за социјална дистанца и хигиена, според eurointegration .
„Ако не сме внимателни сега, тоа би можело да доведе до продолжување на пандемијата„
изјави Јенс Спан.
Според епидемиолозите, голем удел на инфекцијата е предизвикан од фактот дека Германците сè повеќе патуваат и го носат коронавирусот од други земји. КОВИД-19 инфекции се јавуваат и за време на јавни собири и семејни настани. Има време за собири и состаноци, а сега е потребно да се одржи социјалната дистанца, потенцира германското Министерство за здравство.
Коронавирусот нема да е пречка за заљубените.
И покрај избувнувањето на коронавирус, Германија ќе им овозможи на брачните парови разделени поради коронавирусот и на оние во врска повторно да се обединат. За да го направат тоа, на граѓаните од списокот на „трети земји“ им е дозволено да влезат во земјата. Сепак, сериозноста на врската треба да се докаже. Заљубените парови ќе мора да обезбедат доказ за долгорочен престој заедно во странство или да документираат претходна лична средба во Германија.
Накратко за коронавирусот и заштитните мерки во Германија:
- Првиот случај на коронавирус во Германија бил пријавен на 27 јануари .
- Еден од факторите што ја објаснува малата смртност од коронавирус е екстремно големиот број тестови извршени во Германија. Германските лаборатории во моментов вршат повеќе од 160.000 тестови на коронавирус неделно.
- Германија исто така беше прва во Европа што започна масовно тестирање на луѓе за антитела на КОВИД-19. Научниците веруваат дека луѓето кои прележале коронавирус треба да имаат антитела на инфекцијата во крвта.
- На 4 мај, Германија започна со ублажување на ограничувањата за карантин.
- На 16 мај, Германија започна да ги олеснува ограничувањата на границите и ги отвори сите контролни пунктови.
- Од средината на јуни, инциденцата на коронавирус во земјата значително се намали.
- На 15 јуни, Германија ги отвори своите граници кон земјите од ЕУ
- На 1 јули Германската влада донесе одлука да ги отвори границите кон 11 земји што не се членки на ЕУ. По пристигнувањето, патниците мора да бидат 14-дена во карантин.
- Од 3 август, некои училишта веќе се отворија во северна Германија.
