Денеска на точно 5 месеци по првиот случај во МК вкупно 10086 заболени од почетокот на пандемијата.

Денеска 26ти Јули 2020 точно 5 месеци по регистрираниот прв случај во Македонија достигната е бројка од 10.000 заболени од коронавирус поточно 10.086

Министерството за здравство информира дека во последните 24 часа се направени 1077 тестирања, а регистрирани се 152 нови случаи на ковид-19. Вкупната бројка на ковид дијагностицирани во нашата земја од почетокот на епидемијата изнесува 10086,  бројката на оздравени пациенти е 5427, на починати е 460, а во моментов бројот на активни случаи во земјата изнесува 4199

Првиот случај на коронавирус во Македонија е потврден на 26ти фебруари 2020. Оваа изјава тогаш ја дадоа на заедничка прес-кофнеренција  премиерот Оливер Спасовски, министерот за здравство Венко Филипче, како и доктор Жарко Караџоски од Институтот за јавно здравје во Скопје.

„Стигнаа резултатите за пациентката којашто денеска во раните утрински часови беше хоспитализирана на Клиниката за инфективни болести. Пациентката е позитивна за вирусот Ковид-19, што значи дека таа е првиот пациент во Скопје дијагностициран за заболена со овој причинител. Сакам да повторам она што го кажуваме целиот овој период, дека нема простор за паника. Пациентката е сместена на Инфективната клиника во Скопје, во одделот за изолација. Се третира соодветно на нејзината состојба”, изјави тогаш министерот Филипче.

Првата пациентка еден месец била во Италија, на прошетка и на посета кај свои роднини. Филипче информираше дека таа две недели била болна и иницијално се третирала во италијанска здравствена установа, но таму не била тестирана за коронавирусот.