Зошто се губи чувството за мирис кај заболените од коронавирус
Користејќи компјутерска томографија на носот, истражувачите откриле како COVID-19 ги блокира рецепторите за мирис и како тоа влијае на времетраењето за обновување на невроните.
Губењето на чувството за мирис кај COVID-19 е одамна познат. Сега научниците открија дека природата на губење мирис кај коронавирусот е различна од онаа што се јавува за време на настинка, пишува Science Alert .
Честопати луѓето со КОВИД-19 пријавиле ненадејно губење на чувството за мирис, а потоа ненадејно враќање во нормала една недела или две по закрепнувањето.Повеќето од овие луѓе изјавиле дека немаат течење на носот, па губењето на чувството за мирис не може да биде затнатост. За други, загубата на мирис била подолга.
Како точно коронавирусот влијае на чувството за мирис?
Експертите откриле дека делот од носот кој е одговорен за чувството за мирис е блокиран од отечени ткива и слуз . Другиот дел од носот и синусите има нормален изглед, а пациентите немаат проблеми со дишењето преку носот.
На почетокот, експертите сметаа дека вирусот може да ги уништи невроните за мирис. тоа се клетки кои пренесуваат сигнал од арома на молекула во вашиот нос до област на мозокот каде што овие сигнали се толкуваат како „мирис“.
Сепак, меѓународна студија покажа дека ACE2 протеините потребни за вирусот да навлезе во клетките, не биле откриени на неврони за мирис. Но, тие се пронајдени во клетки наречени „суентакуларни клетки“, тие ги поддржуваат невроните за мирис.
Овие клетки веројатно ќе бидат оштетени од вирусот и имунолошкиот одговор ќе предизвика едем, но ги остава невроните непроменети. Кога имунолошкиот систем се справува со вирусот, отокот се смирува и молекулите на миризба ќе имаат слободен пат до недопрените рецептори, а чувството за мирис ќе се врати во нормала.
