Во Индија, група мајмуни упаднале во една лабораторија и земале примероци од тестови од пациенти со КОВИД-19: (ВИДЕО)
Во Uttar Pradesh Индија, група мајмуни влегле во лабораторијата на медицинскиот колеџ во Meerut. Мајмуните украле дел од примероците од пациенти со коронавирус и побегнале во непознат правец.
Група мајмуни украле примероци од тројца пациенти кои биле лекувани од коронавирус, јавува India Today .
Инцидентот се случил во просториите на Медицинскиот колеџ во Meerut додека се собирале примероци од пациентите. Еден од лекарите на колеџот истакна дека мајмуните од овој регион се вистински сериски престапници и слични случаи се случиле и во минатото.
На видеото подолу се гледа како еден од мајмуните седи на дрво, џвака заштитни ракавици од сетот за собирање на примероци. Сведоците веќе дадоа изјава за инцидентот, но случајот сè уште не е затворен. Окружниот офицер Анил Диндра изјави дека случајот е под истрага.
Во кампусот се плашат дека инцидентот ќе резултира со ширење на инфекцијата. Не е јасно дали мајмуните дошле во контакт со крв, какви биле нивните следни чекори и дали овие животни би можеле да бидат заразени со коронавирусот. Сè уште не е познато дали мајмуните можат да пренесат COVID-19.
