Колкав период заболено лице со коронавирус е заразно и може да пренесе на друго лице…
Една нова студија покажува дека пациентите со КОВИД-19 не можат да заразуваат други луѓе 11 дена по инфекцијата. Ова се случува дури и ако во телото сè уште има коронавирус, што е откриено со тестови.
Научници од Сингапур дошле до овој позитивен заклучок, пишува „Њујорк пост“ .
Колку луѓето можат да го пренесат коронавирусот?
Инфективноста опстојува 7 до 10 дена по почетокот на првите симптоми на болеста, вклучувајќи треска и сува кашлица. Но, сите обиди да се изолира COVID-19 и неговата култура 11 дена по почетокот на симптомите биле неуспешни.
Ова се резултати од работата на научниците од Националниот центар за заразни болести и Медицинската академија во Сингапур, во која биле вклучени 73 пациенти со коронавирус.
Позитивните тестови потврдиле дека вирусот не исчезнува од пациентите и по две недели, но не е доволно силен за да зарази.
Врз основа на информациите собрани од почетокот на пандемијата, можеме да кажеме дека инфективниот период на коронавирус кај пациенти со симптоми е околу два дена пред почетокот на симптомите и опстојува 7-10 дена после,
– пишуваат авторите на студијата.
Според научниците, бројот на активни репликации на вирусни честички постепено се намалува после првата недела, а количината на вирус не е доволна за да зарази други луѓе во втората недела од болеста.
