Зошто “чипување” што ќе ве следи и контролира во вакцина е невозможна мисија

На интернет активно се шири информацијата дека американската влада создава вакцина со чип што ќе ги следи и контролира луѓето и дека Бил Гејтс го користи коронавирусот за да ги „чипува„ луѓето. Вакви информации се појавуваат на социјални мрежи вклучително и Viber. Facebook активно ги блокира ваквите натписи но информации брзо се шират во приватни пораки на корисниците. Во принцип, основата на теоријата на чипување, е дека коронавирусот е создаден намерно со цел потоа да ги чипуваат луѓето под изговор на вакцина. Информациите велат дека на овој начин американската влада ќе го следи движењето на луѓето, па дури и ќе го следи составот на нивната крв. Според некои медиуми, организацијата на Бил Гејтс наводно веќе започнала да чипува луѓе во некои региони. 

Зошто ова е невозможно

RFID технологијата е позната уште од 1970-тите. Тоа се мали чипови што испуштаат радио бранови за идентификација на луѓе или предмети.

Факт е дека дури и најмалата верзија на чипот RFID е доста голема и неможе да се инјектира преку иглата за вакцина .Најмалите чипови се користат за следење миленичиња, но сепак и тие се доста големи . Што значи, ниту една игла што се користи за вакцинација нема таков дијаметар за да „чипува“ некого.

Шприц за чипување и чип (транспондер) за миленичиња

Можеби поттик за ваквата појава на теорија на чипување е дека некои држави во врска со пандемијата започнаа да користат не многу етички технолошки алатки за контрола на карантинот: собирање на податоци, апликации за следење на движењето и слично.