Овие 12 европски земји имаат најскап бензин. Погледнете ги цените за литар

Голем број фактори играат улога за цената на горивата –  ценовната војна што Саудиска Арабија ја прогласи на почетокот на годината,  преговорите околу зделката ОПЕК + која започна на 1 мај,  ситуацијата поврзана со епидемијата на коронавирус во многу земји во светот.

Податоците се земени според информациите за цените за АИ-95 на почетокот на мај 2020 година.

1. Холандија

Холандија стана лидер во однос на цените на бензинот, тука 1 литар бензин АИ-95 чини 1,59 долари или приближно 90 денари за литар. И покрај фактот дека Холандија има најголеми цени на бензинот, се забележува дека има и многу високи приходи населението. Така, во однос на трошоците за гориво и приходот, земјата не е меѓу земјите со скап бензин.

2. Малта

На второ место e Малта. Тука треба да платите 1,54 долари или 87.5 денари за литар бензин. Главната индустрија на Малта е туризмот, кој беше погоден од епидемијата на коронавирус. Приходите на населението значително се намалија, што значи дека многумина немаат можност да платат висока цена за бензинот.

3. Италија

Третиот ред во рангирањето на земјите со најскап бензин е Италија. Тука, цената на еден литар е 1,50 долари или 85 денари. Италија се најде во многу сериозна криза поради пандемијата на коронавирус. Голем број заразени, строги мерки на карантин и самоизолација – сето тоа ја погоди економијата на земјата.

4. Албанија, Монако

На четвртото место се две држави – Албанија и Монако. Во обете држави, литар бензин чини 1,49 долари или 84.5 денари. Ова не се најбогатите европски земји, кои исто така беа во состојба на криза заради епидемијата на коронавирус.

5. Грција

На петтото место е Грција. Во оваа земја, литар бензин АИ-95 може да се купи за 1,44 долари или приближно 82 денари. Грција е земја која се движи од една во друга криза и економијата на земјата не може целосно да се опорави. Бидејќи туризмот игра важна улога во грчката економија, епидемијата на коронавирус виртуелно ја уништи оваа индустрија, лишувајќи ја земјата од многу туристи.

6. Норвешка, Сан Марино, Исланд

Три земји го заземаат шестото место, цената на литар бензин е 1,43 долари или приближно 81 денар. Тоа се Норвешка, Сан Марино и Исланд.

Норвешка е најголем производител на нафта и гас во Северна Европа. Сепак, земјата е исто така меѓу земјите со најскап бензин во Европа. Во исто време, земјата извезува значителен дел од својата нафта.

7. Данска, Швајцарија, Финска

Седми по ред на рангирање се исто така три земји – Данска, Швајцарија и Финска. Литар бензин АИ-95 чини 1,38 долари или приближно 78.5 денари.

Во Македонија со последните измени на регулаторна комисија за енергетика 1 литар бензин АИ-95 чини 50.5 денари.