Рускиот премиер Михаил Мишустин позитивен на коронавирус

На рускиот премиер Михаил Мишустин му е дијагностициран коронавирус. Првиот вицепремиер Андриј Билошов сега ќе ги извршува неговите должности. Шефот на владата објави за неговата болест на еден од руските ТВ канали. Мишустин објави дека тој веднаш оди во самоизолација

Само што дознав дека тестовите што ги правев за коронавирусот се позитивни. Поради тоа, и во согласност со барањата на надлежните во здравството, морам да се повлечам во самоизолација, и да ги
почитувам препораките на лекарите, ова мора да го направам за да ги заштитам моите колеги , – рече Мишустин.

Рускиот претседател Владимир Путин му посака на премиерот брзо закрепнување. Во моментов вршител на должноста е вицепремиерот Андриј Билушов . Неговата кандидатура беше одобрена од Путин.

Русија официјално има 106.498 заразени од коронавирус, повеќето од нив во Москва. Само во последниот ден, во земјата се откриени 7099 случаи. Вкупно 1.073 лица починале во земјата од почетокот на епидемијата.