САД со нови истражувања за ефектот на сонцето и КОВИД-19. Дојдоа до неочекувани резултати.
Министерството за внатрешна безбедност на САД претстави детали во врска со направена студија за влијанието на сонцето и COVID-19, пренесува afp.com
Претседателот на САД, Доналд Трамп и претходно изјавуваше дека на луѓето им треба сонце за да го поразат коронавирусот. Американската влада објави студија за ефектите на УВ-Зраците од сонцето на COVID-19.
Се вели во извештајот дека за време на експериментот сончевото зрачење било репродуцирано вештачки во лабораторија, а по неговиот интензитет не се разликувало од вистинското. По добиените резултати од оваа студија, минатата недела, од Белата куќа излегоа со своја изјава за моќта на сонцето, што изненади многу експерти.
Вилијам Брајан, раководител на одделот, изјави до новинарите дека бројот на вирусни честички на нерамна површина се преполовил по две минути изложеност на сончева светлина и на 22 ° C со 80% влажност. Бројот на вирусни честички што летаат во воздухот за една и пол минута исто така се преполовиле на собна температура и влажност од 20%
Резултатите многу ги изненадија експертите. Повеќето сончеви зраци припаѓаат на подтип UVA зрачења, поради кои се предизвикуваат изгореници на кожата кај луѓето.
Од друга страна, спектарот UVC има силно влијание врз различни генетски материјали и вирусни клетки, затоа UV-ламбите често се користат за стерилизација. Но, овој дел од спектарот не е присутен кај сонцето.
Научниците кои го спроведоа експериментот потенцираат дека се користел сончевиот подтип на УВ зрачење, што се јавува во природни услови.
Критичарите од студијата, исто така, истакнаа дека ФДА (Управата за храна и лекови на САД) има рецензирана статија што укажува на тоа дека вирусот САРС-КоВ не реагира на сончевата светлина.
Треба да се напомене дека резултатите од оваа студија се навистина контрадикторни. Бидејќи во многу топли земји има и големи појава на коронавирусна болест.
