Google блокира 18 милиони SCAM пораки дневно што содржат лажни информации за коронавирус

Гугл блокира околу 18 милиони пораки за измама поврзани со коронавирус дневно, соопшти компанијата во блог-пост.

Технолошкиот гигант, кој работи во партнерство со „Епл“ за развој на систем на трасирање контакти, тврди дека блокира повеќе од 100 милиони е-пошти за фишинг на ден. Во текот на изминатата недела, скоро една петтина од овие пораки биле измама поврзана со COVID-19.

Вирусот, кој е јавна здравствена криза и економска криза во моментов, сега може да биде најголемата тема за фишинг досега, според Силиконската долина.

Секогаш прочитајте убаво што и од кого ви пристигнува на вашата електронска пошта. Не верувајте во сите информации што ви пристигнуваат на електронска пошта од непознати лица со цел да ви дадат бесплатна услуга или информација. Не кликајте на сомнителни линкови пристигнати на електронска пошта ниту да симнувате сомнителни атачирани фајлови. Не давајте лични податоци или податоци од ваши платежни картички.