Коронавирусот никогаш нема да исчезне, изјави главниот епидемиолог во Шведска Anders Tegnell
Главниот епидемиолог на Шведска, Андерс Тегнел, рече дека грешат државите кои се надеваат дека ќе можат да се изборат со коронавирусот COVID-19 и да го сведат бројот на пациенти на нула. Според епидемиологот, човештвото никогаш нема да се ослободи од коронавирусот.
Тој ова гоизјави на виртуелна конференција на German Marshall Fund, пишува RMF24.
Тегнел го објасни и пристапот на Шведска кон пандемијата на коронавирус, која денес нема строги ограничувања за карантин и само училиштата се затворени.
Тој истакна дека отсуството на ограничувања не значи дека животот во Шведска продолжува како порано – улиците на Стокхолм се празни, а сообраќајот е 10 пати помал од вообичаено.
Во исто време, официјалниот претставник призна дека Шведска не успеала во грижата за старите лица и дека повеќето од смртните случаи од КОВИД-19 биле меѓу постари жители.
Во Шведска, повеќе од илјада луѓе починале од коронавирус, а повеќе од 26 000 случаи на инфекција со коронавирус се потврдени во земјата.
Не мислам дека овој вирус некогаш ќе замине. Некои земји се чини дека водат политика заснована врз претпоставката дека доколку ги излечат сите случаи во земјата, тие трајно ќе се ослободат од вирусот. Јас не мислам така
“, рече Тегнел.
Тој исто така додаде дека КОВИД-19 може да предизвика годишни епидемии во иднина, како сезонски грип.
Патем, ова не е прва претпоставка за веројатниот сезонски статус на КОВИД-19. Научниците предвидуваат нов бран на пандемија во есен.
