Слика на Ван Гог вредна милиони евра украдена од музеј во Холандија за време на изолација поради коронавирусот

Слика на Винсент ван Гог е украдена за време на карантин во текот на ноќта во холандскиот музеј што во моментот е затворена поради  пандемијата со коронавирус, соопштија денеска полицијата и раководството на музејот.

Инцидентот се случил во музејот „Сингер Ларен“ во Ларен во Холандија во 3:15 часот по полноќ по локално време, соопшти полицијата. Големата стаклена врата од зградата беше пробиена.

Полицијата соопшти дека полицајците пристигнале во музејот веднаш откако алармот за провала се активирал, но не го пронашле сторителот или сторителите во музејот или во близина.

Властите го испитуваат инцидентот и ги замолуваат жителите од околината за евентуална снимка на лицето или лицата одговорни во моментот на пробивањето.

„Јас сум шокиран и неверојатно изнервиран“, рече директорот на музејот Јан Рудолф де Лорм, за време на прес-конференцијата во понеделникот наутро. „Ова е огромен удар. Ова е исклучително тешко, особено во овие времиња“.

„Лути сме, шокирани и тажни“, рече Еверт ван Ос, генералниот директор на музејот.

Ремек-делото на Ван Гог, „The Parsonage Garden at Nuenen in Spring 1884,“, беше позајмено привремено од музејот Гронингер во Холандија.

Во понеделник се одбележува 167-годишнината од раѓањето на ван Гог.

Вредноста на сликата не е дефинирана, но уметничкиот детектив Артур Бренд за AD.nl изјави дека сликата вреди меѓу 1 и 6 милиони евра.

Повеќе тука