Коронавирусот остава трајни последици на белите дробови кај излечените пациенти?
Додека трае војната со опасниот вирус и сеуште не знаеме се за него, со секој изминат ден сè повеќе нови работи се дознаваат. Секако, заболените се опоравуваат со добра процентна стапка, но со какви ризици се соочуваат откако ќе го преживеат самиот вирус?
Според The South China Morning Post, докторите во Хонг Конг ги објавија наодите според кои некои закрепнети пациенти може да завршат со намалена функција на белите дробови откако се справиле со коронавирусот. Докторите веруваат дека кај пациентите во некои случаи можно е да се забележи пад од околу 20 или 30 проценти на функцијата на белите дробови, што можеби не звучи многу, но прави огромна разлика.
SCMP напиша дека по отпуштањето на оваа специфична болничка прва група на излечени пациенти со коронавирус, тие забележале некои разлики. Според д-р Овен Цанг Так-јин од Хонг Конг, двајца или тројца од дванаесетте пациенти не се во можност да прават работи што можеле да ги прават предходно. Кога ги проучувале овие пациенти, откриено е дека дури и ако одат малку побрзо, тие чувствуваат како да снемуваат воздух.
Секако, со одредена терапија нивната функција на белите дробови би можела да се подобри, а сè уште не знаеме со какви долгорочни ефекти може да се соочат. Ова само по себе е важно да се знае. Според еден инсајдер пациент , СТ-снимките покажуваат нешто што изгледа како„ пневмониа “во нивните бели дробови, и со тоа се намалува нивната функција. Како што напредува болеста, се чини дека „пневмониата“ станува по застапена, што на крајот може да доведе до намалена функција на белите дробови, но секако, не знаеме ништо со сигурност.
Значи, ова присуство налик пневмониа укажува дека се случува некаков вид на оштетување на органите и ваквата намалена функција на белите дробови е многу очигледна. Д-р Овен Цанг Так-јин , исто така, пренесе дека никој не бил сигурен дали тие што се опоравуваат и се соочуваат со ваков вид на функционален пад, може да завршат со развој на состојба на белите дробови како белодробна фиброза како резултат. Овој вирус и вака предизвикува доста паника во моментов и ваквите работи може само да ја влошат ситуацијата, и ве замолувам, не паничете. Додаде Цанг.
Од петокот наутро, 69.607 луѓе закрепнале од КОВИД-19 од 128.392 потврдени случаи, покажуваат податоците на универзитетот Џон Хопкинс. Повеќе од 4.700 луѓе починале од оваа болест.
Болеста се чини дека полошо влијае на постарите лица, како што покажа појавата во Италија.
„Меѓу оние кои се заразени, повеќето ќе закрепнат“, рече во понеделникот генералниот директор на Светската здравствена организација, Тедрос Аданом Гебреизус.
Најчесто пријавени симптоми вклучуваат треска, сува кашлица и останување без здив, а околу 80% од пациентите доживеале блага настинка, според СЗО.
