Доктор по инфективни болести отворено за тоа што најмногу го плаши кај коронавирусот
Здравствените експерти низ целиот свет ги предупредуваат луѓето дека паниката предизвикана од претерани стравувања од коронавирус е полоша од самиот вирус. Додека илјадници луѓе складираат луди количини тоалетна хартија и санитар за раце, Светската здравствена организација нè уверува дека иако сценариото за пандемија стана многу реалистично, ова би било прва пандемија во историјата што може да се контролира.
„Треба да запомниме дека со одлучувачко, рано дејствување, можеме да го забавиме вирусот и да спречиме инфекции“, изјави генералниот директор на СЗО во својот брифинг за медиуми на 9 март. „Меѓу оние што се заразени, повеќето ќе закрепнат“, потенцира тој.
Сепак, стравот е реален. Поради оваа причина, медицинскиот персонал и експертите за здравство одат на социјалните медиуми за да ги информираат, советуваат и уверат луѓето – не, не сме на работ на крајот на светот. Само што се соочивме со нов вид на болест која се шири брзо, но сепак може да се лекува – па дури и со огромна стапка на успех (закрепнаа повеќе од 70% од пријавените случаи во Кина.) „Правилото на играта е: никогаш не се откажувајте “, рече генералниот директор на СЗО, д-р Tedros Adhanom Ghebreyesus.
