Новиот заболен од коронавирус е директорката на клиниката за кожни болести

Новиот заболен од коронавирус во Македонија е директорката на клиниката за кожни болести информира министерот Венко Филипче. Кај директорката е диагностициран вирусот вчера доцна вечерта. Таа била во Италија минатата недела и продолжила да оди на работа без да ги почитува мерките по враќањето од Италија. Денеска ќе се затвори целата клиника за кожни болести.

Министерот изјави:

“Со огромно разочоравување заради непочитување на мерките морам да соопштам дека жената која е заболена од коронавирус е наша колешка, лекар, тоа е директорката на Клиниката за кожни болести. Во моментов таа е на лекување, ја хоспитализираат а потоа ќе се размислува за мерки за санкции. Со големо внимание пристапуваме кон мерките на кожната Клиника, се прави проценка на ризикот , можно е одделот да биде целосно затворен, персоналот ќе биде испратен на домашна самоизолација. Пациентите кои се таму ќе бидат пуштени дома.  Сите нејзини колеги и колешки ќе одат во изолација, морам да кажам дека сум максимално разочаран. Ќе бидат превземни мерки кон сите кои го загрозиле јавното здравје. Сите мерки кои ги предложи Владата, за масовни собири со гости од странство, треба да се почитуваат,  секаде каде ќе видиме прекршување ќе преземеме мерки. Не можеме да ги затвориме границите, невозможно е ,и сите препораки се за сомаизолација. Секој кој доаѓа од ризичен регион и да нема симптоми мора да остане во самоизолација. Мора да имаме одговорност кон колективното здравје.”

Прес-конференција на министерот за здравство