Милионски суми ќе изнесе од Македонија луна паркот кај Борис Трајковски

Приватниот луна парк кај Борис Трајковски кој беше отворен на 15 Мај 2019 година ќе остане до 15 Јуни 2019 со 20 реквизити од кои 10 се адреналински. Во разговор со родител кој го посетил овој луна парк со своите деца ни посочи дека:

За отприлика час и половина поминати во луна паркот со двете деца потрошивме околу 2000 денари, и за ниту еден билет не добив фискална сметка, Не сум сигурен дали воопшто имаа фискални каси во продажните места. Сепак бевме дојдени за забава и не ни помислив на тоа дека не добивав фискална сметка. На еден од реквизитите каде што сакаа децата да влезат го запрашав човекот задожен за влез каде се купува билет? Тој со прстот ми покажа едно куќарче одалечено повеќе од 50тина метри, ме погледна дека сум со едното дете враце и ми рече: Може и кај мене. Извади од џебот 20тина билети, најверојатно искористени од некој предходно, одвои 2 и ми побара 200 ден. Му дадов пари за билетите, си ги врати одвоените 2 билета во купот бидејќи секако и да ми ги даде треба истиот момент да ми ги земе.

Цените на реквизитите се движат од 100 до 250 ден и ако направите пресметка во просек 5 ефективни работни часа дневно од секој реквизит, а е многу повеќе, ќе добиете сума од неколку милиони денари за цел месец. Од Град Скопје и Општина Карпош велат: ЗАБАВНИОТ ПАРК КАЈ „БОРИС ТРАЈКОВСКИ“ Е НА ПРИВАТЕН ИМОТ, НЕ СМЕ НАДЛЕЖНИ.