Осомничена „девојката“ на Пино за неговото убиство, телото пронајдено во Љуботен

Единица за насилен криминал при СВР Скопје на 31.05.2019 година поднесе кривична пријава против двајца осомничени до надлежното Основно јавно обвинителство во Скопје за сторено кривично дело “убиство“ предвидено и казниво по член 123 од КЗ на РСM. Се работи за убиство на Пинета Секондо, кој на 11.12.2018 година од страна на неговата мајка, бил пријавен за исчезнат во ПС при СВР Скопје. До Единицата за известување и команда при СВР Скопје на 29.04.2019 година било пријавено од страна на локален граѓанин дека на место викано Башинец во атарот на с.Љуботен пронајден е човечки скелет покриен со камења. Во домот на првопријавениот пронајдени се сим картици, лични документи, мобилен телефон, usb мемориска картица, фантомка и возило Опел Аскона. По него распишан е централен распис. На 30.05.2019 година второпријавената „девојката“ е лишена од слобода во просториите на СВР Скопје.

Мајката на 26 годишниот Пино преку Фејсбук статус им се заблагодари на сите за подршката и порача:

„Тешко е верувајте ми, многу тешко. Мојата битка продолжува, сега БАРАМ ПРАВДА ЗА МОЕТО ДЕТЕ!!! АНГЕЛА ЃЕОРГИЕВСКА СО НЕЈЗИНИОТ ПОМОШНИК ШТО ГО ИМААТ УБИЕНО МОЕТО ДЕТЕ ДА ДОБИАТ НАЈ ГОЛЕМА КАЗНА! ДОЖИВОТЕН ЗАТВОР!!! Да скапат во затвор! Детето ми го убиле и го сокриле за животни да ми го распарчат! Бел ден да не видиш ни ти ни твојот помошник ни твојата фамилија!!! Ѓавол!!! Проклета да бидеш додека ќе имаш душа во тебе!!!“, напиша Маја.

повеќе на: 24.info.mk