Бројот на жртви од разорните поплави во Германија се искачи на 133

Бројот на загинати во најголемите поплави во последните децении во западна Германија се зголеми на 133 лица. Во сојузната покраина Северна Рајна-Вестфалија состојбата остана непроменета повеќе од еден ден – 43 жртви, но службите за итни случаи во Рајнска област-Пфалц известуваат за нови жртви од лошите временски услови – веќе има 90, пренесува Билд.

Според прелиминарните податоци, жителите не биле навремено известени за претстојната големапоплава, иако на почетокот на неделата, кога започнале дождовите, Европскиот систем за предупредување од поплави (EFAS) добил сигнал за сериозна закана од поплавување . Сепак, немаше повици на разглас, немаше пораки на телефоните, ниту навремена евакуација.

Како резултат, дури и минатиот петок, во градот Ерфштат крај Келн, водата буквално се искачи за скоро 1,5 метри за 10 минути и успеа да изненади многу возачи и сопственици на домови кои едноставно немаа време да се евакуираат. Бројот на жртвите од катастрофата на ова место останува непознат.

„Како може ова да се случи во земја која е толку горда на својот систем за управување со катастрофи? – прашува Билд, но не наоѓа одговор.

vesti.ru