Бил и Мелинда Гејтс на твитер објавија дека ставаат крај на 27-годишниот брак.

Коосновачот на Мајкрософт и неговата сопруга велат дека ќе продолжат да работат заедно во фондацијата Бил и Мелинда Гејтс, најголемата добротворна фондација во светот.

Тие рекоа дека „повеќе не веруваат“ дека можат да растат како двојка.

Американскиот деловен магнат и коосновач на „Мајкрософт“ е третиот најбогат човек во светот.

Двојката се запозна за време на деловна вечера во 1987 година, кога Мелинда Гејтс беше менаџер на производи во компанијата на нејзиниот иден сопруг.

Финансиските детали за разделбата не се откриени.

„После многу размислување и многу работа на нашата врска, донесовме одлука да го прекинеме нашиот брак“, објави на Твитер Гејтс.