Стресот поради недостаток на пари може да предизвика сериозни здравствени проблеми

Финансиските потешкотии се поразорни за здравјето отколку што се сметаше порано.

Покрај тоа што имаат двојно поголема веројатност да доживеат срцев удар, луѓето кои имаат финансиски проблеми можат да имаат и други здравствени проблеми, покажува американско истражување од Универзитетот во Бостон.

27 проценти од луѓето кои се борат со недостаток на пари изјавиле дека имаат чир на желудник и лошо варење на храната, додека, од друга страна, само 8 проценти од оние кои не се грижат за парите имаат исти здравствени проблеми.

Дури 44 проценти од луѓето кои се под стрес поради недостаток на пари страдаат од главоболка и мигрена, а само 4 проценти од оние кои немаат финансиски грижи имаат мигрена.

Напнатост во мускулите во лумбалниот регион чувствуваат 65% од луѓето со финансиски потешкотии, а поради лошата финансиска состојба, тие често чувствуваат силна болка во овој дел од грбот или во мускулите.