Фајзер бара дозвола за употреба на вакцината кај тинејџери

Фајзер побара од Управата за храна и лекови на САД да ја прошири употребата на нивната вакцина на тинејџери, на возраст од 12 до 15 години, под итна постапка.

Вакцината во моментов е одобрена во САД за лица постари од 16 години.

Минатиот месец, Фајзер изјави дека со клиничко испитување утврдено е дека вакцината е безбедна, ефикасна и дава силни реакции на антитела кај деца на возраст од 12 до 15 години. Засега е непознато колку време Администрацијата за храна и лекови ќе треба да ги прегледува податоците за тестот, иако директорката на американскиот центар за контрола на болести, Рошел Валенски, изјави дека вакцината најверојатно ќе биде одобрена за помладата популација до средината на мај.