Роверот на НАСА направи „селфи“ на Марс

НАСА објави „селфи“ кое го сними роверот Perseverance со помош на малиот хеликоптер Ingenuity на Марс.

Perseverance користел роботска рака за снимање фотографии, која всушност и споена со 62 единечни слики. Покрај Perseverance, кој е во преден план, Ingenuity може да се види на растојание од околу четири метри.

Хеликоптерот, тежок околу 1,8 килограми, треба да го изврши својот прв лет на Црвената планета во наредните денови. Се очекува да достигне надморска височина од околу три метри во првиот пробен лет, а потоа да остане на едно место околу триесет секунди пред да слета назад на површината на Марс.

Тој лет ќе биде првиот контролиран лет на друга планета.

Хеликоптерот се напојува со литиум-јонски батерии, а Ingenuity се очекува да направи уште неколку тест летови за околу еден месец.

Тој пристигна на Марс собран во шасијата на роверот Perseverance кон крајот на февруари по повеќе од 200 дена лет и 472 милиони километри.