Секој трет ковид пациент има психијатриско нарушување

Студија спроведена на 23.000 испитаници, претежно од САД, открила дека на еден од тројца поранешни пациенти со ковид има дијагностицирано невролошко или психијатриско нарушување шест месеци по третманот.

Ова укажува на заклучок дека бран на невролошки и психијатриски пациенти може да се очекува како последица на пандемијата, наведено е во стручното списание „Lancet psychiatry“.

Од 14-те психијатриски нарушувања, анксиозноста и депресијата се најчести кај поранешните ковид пациенти, иако на научниците не им е јасно како овие нарушувања се поврзани со вирусот, пренесува Ројтерс.

Студијата не утврди кои биолошки или психолошки механизми се предизвикувач на овие нарушувања, но заклучено е дека треба да се направи ново истражување за да се утврди што ги предизвикува овие феномени, како да ги спречи или како да се третираат медицински.

Врз основа на анализата на медицинските досиеја на повеќе од 236.000 луѓе откриено е дека шест месеци откако прележале ковид-19, кај 34% бил дијагностициран некаков невролошки или психијатриски проблем.