02 АПРИЛ – СВЕТСКИ ДЕН НА АУТИЗМОТ / КУЧИЊАТА ИМ ПОМАГААТ НА ЛИЦАТА СО АУТИЗАМ
Кучињата можат да бидат прекрасни миленичиња и одлични придружници особено кај децата со аутизам. Со нивната безусловна љубов, дружба и пријателство можат да му помогнат на детето да изгради социјални вештини и самодоверба.
Многу истражувања покажале дека социјалните вештини кај децата кои имаат аутизам привремено се подобруваат, откако ќе имаат контакт, ќе си играат и ќе бидат опкружени со миленик.
Целта на вклучување на кучето во животот на аутистично дете е да му обезбеди пријател, на кого може да му верува и со кого ќе може да комуницира. Добро дресирано куче може да се погрижи детето да биде безбедно и исто така може да ги развие неговите емоции, однесување и начини на комуникација.
Не постои точно определена раса на кучиња, што најдобро ќе се поврзе со аутистично дете, но истражувањата покажуваат дека во најголема мера помагаат поголеми кучиња налик златен ретривер, миксови од лабрадори, големи пудли или териери.
Главни придобивки од милениците кај децата со аутизам:
- Подобрена безбедност на децата дома и на јавно место
- Понатамошен развој на моторни вештини, преку игра и активности со кучето на пример подигање и фрлање топки, отворање конзерви за храна и ставање сад на под
- Намалена вознемиреност кај децата и помалку „лутина“
- Подобрено спиење, намалени проблеми во однесувањето и зголемена толеранција на звуци
- Намален стрес кај родителите
- Подобрени социјални интеракции на децата со другите членови на семејството и пошироката околина
- Позитивен ефект врз квалитетот на животот на децата и семејството како целина
- Социјални и емоционални придобивки, како што се помагање на децата да научат за живите суштества
Кучињата преку најразлични задачи и активности им помагаат на децата со аутизам полесно да се справат со нивните предизвици и истовремено да бидат нивен исклучително важен извор на мотивација
