Чоколадо, газирани пијалоци, леб … Храната која ја сакате открива што му недостасува на вашето тело!
Интензивна, неодолива и честопати неконтролирана, но желбата за храна всушност може да открие некои важни информации за тоа што се случува во нашето тело. Така велат Алис и Дани, нутриционисти кои стојат зад блогот 123 Nourish Me.
Тие велат дека желбата е предизвикана од недостаток на минерали што на крајот може да доведе до сериозни здравствени проблеми.
“Желбата открива што навистина бара вашето тело. Обрнете внимание на вашите желби и нахранете го вашето тело со она што му треба”, напишаа неодамна, заедно со список на храна по која луѓето најчесто копнеат и објаснувања што всушност значи таа желба.
Желба за чоколадо
Вашето тело всушност бара магнезиум. Треба да јадете ореви, семиња, зеленчук и овошје со темни лисја.
Желба за сокови и пијалоци со шеќер
Вашето тело всушност бара хром, триптофан и фосфор. Треба да јадете зеленчук со темно лисје, пилешко, сирење, грозје, сладок компир, јајца, ореви и житарки.
Желба за леб и тестенини
Вашето тело бара протеини и азот. Треба да јадете црвено месо, грав, чиа семе и мрсна риба.
Желба за масна и пржена храна
На вашето тело му треба калциум. Треба да јадете зелен лиснат зеленчук, леќа, сирење и органско млеко.
Желба за солена храна
Вашето тело сака хлорид и силициум. Треба да јадете индиски ореви, семиња, масна риба и козјо млеко.
