Поминуваме 608 часа годишно на социјалните мрежи, што е доволно да се прочитаат 200 книги!
Ако имате профил на Фејсбук или Инстаграм, многу е веројатно дека поминувате најмалку 50 минути на нив секој ден, додека уште околу 40 минути поминувате на YouTube, а тука се и Твитер, Снепчет како и други социјални мрежи и апликации кои ни го крадат животот.
Овие податоци беа добиени од тим истражувачи кои спроведоа студија за една маркетинг агенција, кога експертите укажаа на опасноста – дека во просек поминуваат 608 часа годишно на социјалните мрежи и 1.642 часа гледајќи телевизија, а за тоа време (вкупно од 2.250 часа) можеме да прочитаме дури 1.000 книги годишно.
Авторите на студијата дошле до овие податоци заклучувајќи дека просечен Американец чита помеѓу 200 и 400 зборови во минута, што во принцип важи и за другите нации. Тие тргнале од фактот дека една просечна книга содржи околу 50.000 зборови, па тие го помножиле тој број со 200 – што е бројот на книги што секој човек може да ги прочита, за да дојдат до 10 милиони зборови.
Потоа го поделиле тој број со 400 (бројот на прочитани зборови во минута) и повторно го поделиле на 60 (минути), кога дошле до заклучок дека ни требаат 417 часа за да прочитаме 200 книги. А, ние на социјалните медиуми и ТВ поминуваме 2.250 часа годишно.
Иако податоците се изненадувачки, бидејќи ретко кој чита толку многу книги, истражувачите велат дека дефинитивно е подобро да се фокусирате на нив наместо да ги расипувате очите пред екраните. Тие нè советуваат само да размислиме колку подобро би се чувствувале ако наместо сапуници и озборувања за познати, но и навистина ирелевантни „ликови“, читаме неколку интересни и корисни работи на хартија, зад кои стојат паметни луѓе.
