Недостаток на витамин Д предизвикува потешка форма на Ковид-19

Студија спроведена во Италија на луѓе кои се опоравиле од Ковид-19, покажала дека недостатокот или ниското ниво на витамин Д во организмот е поврзан со потешкa формa на болеста, пишува весникот „Ла Санита“.

Резултатите од истражувањето спроведено заеднички од Високиот институт за здравство и римската болница „Санта Андера“, покажуваат дека луѓето заболени со коронавирус, кои имале ниско ниво или недостаток на витамин Д во организмот, имале потежок тек на болеста, поголемо воспаление, поголема подложност на коагулација на крвта и потешка форма на пневмонија.

Пресметано е дека нивото на витамин Д во организмот е ниско ако е под 10 нанограми (еден нанограм одговара на 0,001 микрограм).

Во студијата, кај пациентите кои имале ниско ниво на витамин Д, биле измерени 6,5 проценти, додека нормалната вредност била 13,5 проценти.

Витаминот Д се внесува во организмот преку сончање и исхрана, а неговата улога е важна за апсорпција на фосфор и калциум.

„Во овој момент, рано е да се каже дека витаминот Д може да игра важна улога во борбата против Ковид-19 и намалување на смртноста од инфекција, но витаминот Д секако може да се препорача како корисен лек на сите пациенти“, заклучува студијата.