Наскоро летно сметање на времето

На 28 Март (недела), во 2 часот наутро ќе преминеме на летно сметање на времето. Стрелките на часовникот во недела треба да се поместат еден час напред и наместо 02 да означуваат 03 часот. 

Уште минатата година се дискутираше за укинување на летното и зимското сметање на времето, а во моментов стои одлуката до оваа година сите членки на ЕУ да одлучат дали сакаат да го задржат летното или зимското сметање на времето. Иако промената на времето е во принцип корисно за заштеда на енергија во текот на летото, тоа очигледно има повеќе недостатоци отколку предности.

Движењето на стрелките на часовникот отсекогаш било избор за секоја држава – не постои закон што вели дека времето мора да се менува. Во моментов, повеќето европски земји и скоро цела Северна Америка го поместуваат часовникот двапати годишно, додека остатокот од светот се откажа од поместување на часовникот или никогаш не го ни поместиле.

Првиот кој предложи промена на времето беше Бенџамин Франклин во 1784 година, фрустриран од губењето на дневната светлина на лето. Неговата идеја не заживеа во тоа време, туку таа била прифатена само од Германците на почетокот на 20 век.

Во тој период, енергијата заштедена со поместување на часовникот не била мала работа – ниту еколошки, ниту финансиски.