Првиот хотел во вселената треба да биде отворен во 2027 година

Orbital Asembly Corporation планира да го отвори првиот луксузен вселенски хотел наречен Voyager Station до 2027 година.

Со корпорацијата управува поранешниот пилот John Blincow, кој за CNN изјави дека пандемијата предизвикала одредени пречки, но дека изградбата на хотелот треба да започне во 2026 година.

Предвидено е хотелот да прима 280 гости и 112 членови екипаж.

“Ние се обидуваме да ја натераме јавноста да разбере дека златниот период на патувањето во вселената е пред вратата. Доаѓа. Доаѓа брзо”, изјави Blincow за CNN.

Симулирајќи ја силата на гравитацијата, хотелот ќе им обезбеди на гостите „нормално“ искуство што ќе вклучува употреба на тоалети, тушеви и кревети кои ќе функционираат слично како на Земјата.

Сликите за тоа како хотелот би можел да изгледа сугерираат ентериер кој не се разликува од луксузните хотели лоцирани на нашата планета.

Кога премиерата на оригиналниот дизајн беше пред неколку години, Tim Alatorre, дизајнерски архитект во Orbital Assembly Corporation, за CNN Travel изјави дека естетиката на хотелот е директен одговор на филмот на Stanley Kubrick, 2001: A Space Odyssey – што тој го нарече „нацрт на она што не треба да се направи “.