Нордиската диета сè попопуларна во светот
Нордиската диета е диета која вклучува здрава храна, базирана на растенија, конзумирање повеќе зеленчук и овошје, цели зрна наместо рафинирани.
„US News and World Report“ објавува списоци со најздрави диети секоја година. И иако го зазеде само деветтото место на списокот, нордиската диета станува сè попопуларна во светот. Причината за нејзината популарност лежи во нагласувањето на одржливоста, бидејќи јадејќи на „нордиски“ начин, си правиме услуга не само на самите себе туку и на околината.
Нордиската диета вклучува високо квалитетни производи од животинско потекло, но најголем акцент е ставен на растителната храна и морските плодови, наместо на месото.
Другите состојки во нордиската диета вклучуваат јачмен, коренест зеленчук, печурки, како и масна риба како лосос и скуша. Здравствените придобивки се многубројни: голем број студии покажуваат дека го намалува крвниот притисок, го подобрува здравјето на срцето, а топи и килограми.
