Вакцината на Johnson & Johnson штити од корона само со една доза

Анализата на американските регулатори вели дека вакцината Johnson & Johnson во само една доза штити од Ковид-19. 

 

Извештајот потврдува дека вакцината е ефикасна 66 проценти во спречување на умерен до тежок облик на Ковид-19, објави АП. 

 

Во петок, панел експерти од Администрацијата за храна и лекови (ФДА) ќе дискутираат дали доказите се доволно силни за да се препорача вакцината. 

 

ФДА ќе донесе конечна одлука во рок од неколку дена. 

 

Доколку ФДА ги одобри вакцините Johnson & Johnson за употреба во САД, тоа нема да значи дека ќе има итно зголемување на набавката на вакцини. Се очекува дека само неколку милиони дози ќе бидат подготвени да бидат испратени во текот на првата недела. 

 

Johnson & Johnson ги тестирале ефектите на единечна доза на вакцината врз 44.000 луѓе во САД, Латинска Америка и Јужна Африка. 

 

Компанијата претходно објави дека вакцината е ефикасна во САД од 72 проценти од умерен до тежок облик на Ковид-19, во споредба со 66 проценти во Латинска Америка и 57 проценти во Јужна Африка.