„Федерер го освојува Вимблдон? Апсолутно, зошто да не?“

Швајцарецот Хајнц Гинтхарт, поранешниот тренер на Стефи Граф и Ана Ивановиќ, зборуваше за враќањето на Роџер Федерер после долгата пауза. 

Федерер нема одиграно ниту еден турнир од Австралија опен минатата година. Го мачеше коленото, кое трипати го оперираше. 

Враќањето нема да биде воопшто лесно. 

„Ќе биде еден од најголемите предизвици што некогаш сте ги виделе во тенисот, без сомнение. Неколку работи треба да се поклопат. Федерер мора да се движи добро, да гради самодоверба, своето тело … “, изјави Гинтхарт . 

Швајцарскиот експерт тврди дека движењето на Федерер ќе биде клучно. 

„Ќе мора добро да сервира. Јасно е дека нема да биде физички подготвен, но тоа не е најголемиот проблем. Прашање е какво ќе биде неговото движење“, додаде тој. За време на интервјуто Гинтхарт беше прашан и дали Федерер може да го освои овогодинешниот Вимблдон? Одговорот е позитивен. 

„Апсолутно. Зошто да не? Оптимизмот е многу позабавен отколку песимизмот“, заклучи Швајцарецот.