Тест за личностa кој открива што ви е најважно во животот

Овој тест може да ви помогне подобро да ја разберете вашата личност, и да научите нешто ново за себе, пишува BrightSide. 

Замислете дека треба да направите неколку работи одеднаш: 

1. Да го земете бебето кое плаче. 
2. Да ги тргнете алиштата што се сушат надвор кога почнува да врне. 
3. Да ја исклучите ринглата, бидејќи водата во тенџерето почнува да се излева на подот од кујната. 
4. Да ја отворите вратата, бидејќи некој тропа. 
5. Да се јавите на телефонот кој ѕвони. 

По кој редослед ќе ги направите овие работи? 

Решенија: 

1. Ако првото нешто што ќе направите е да го утешите вашето бебе, тогаш најважното нешто во вашиот живот е семејството. Вие припаѓате на таа група на луѓе кои секогаш ќе ги ставаат своите најблиски на прво место. 
2. Ако брзате прво да ги соберете алиштата, тогаш приоритети ви се љубовта и интимните врски. Тоа е нешто што ве прави целосни и исполнети – и без тоа ништо друго нема смисла. 
3. Ако прво ја исклучите ринглата, тогаш парите се најважната работа во вашиот живот. Материјалната безбедност е императив за вас. 
4. Ако ја отворите вратата пред сè, тогаш вашите пријатели и семејството се на прво место. 
5. Ако прво одговорите на телефон, а потоа на сè друго, тогаш приоритети ви се кариерата и работата.