Сакате да бидете среќни? Треба да направите само една работа

Извадок од книгата „Будење на свеста“ од Антони де Мел, индиски свештеник, психотерапевт, духовен учител, зборува за нашата среќа и за тоа што ја движи, но и за тоа што ни стои на патот на среќата. 

 

Среќата е наша природна состојба. Среќата е природна состојба на малите деца, на кои им припаѓаат сите богатства на овој свет, сè додека општеството и културата не ги осквернат и не ги загадат со нивната глупост. 

 

За да постигнете среќа, не мора да правите ништо затоа што среќата не може да се добие. Дали некој знае зошто? Затоа што веќе ја поседуваме. Како можете да стекнете нешто што веќе го имате? Тогаш, зошто да не ја доживеете? Затоа што треба да отфрлите нешто. 

 

Треба да ги отфрлите илузиите. Не мора да додавате ништо за да бидете среќни, мора да отфрлите нешто. Животот е едноставен, животот е прекрасен. Тежок е само со вашите илузии, амбиции, алчност и желби.